07‏/08‏/2006

الراجل قصده إيه ؟


منذ أسبوعين تقريبا ،كنت في ميدان المنشية بالاسكندرية ، أصور فيلما تسجيليا عن خمسين عاما من خطاب التأميم الذي ألقاه الزعيم الراحل جمال عبد الناصر في ميدان المنشية ، وكنا نسجل مع بعض شهود العيان الذين شاهدوا عبد الناصر وهو يخطب وسمعوه وعاشوا تلك اللحظة ، وفيما نحن نفعل ذلك ، اقترب منا رجل رث الثياب ، أشعث الشعر ، كما يفضل السادة الروائيين القدامى أن يصفوا ، يبدوا عليه الفقر ، وسألني : أنتو بتعملوا إيه ، فقلت له : إحنا بنسجل فيلم عن تأميم قناة السويس ،والخطاب اللي ألقاه عبد الناصر هنا في ميدان المنشية ،فقال الرجل ،: آه قصدك ساعة ما كانت مصر بيحكمها رجاله ، قالها وانصرف ....................تفتكروا الراجل كان قصده إيه ؟؟؟؟؟؟؟؟

هناك 29 تعليقًا:

Captain L.J.Silver يقول...

طبعا قصدة ان اللي بيحكم مصر دلوقتي "سيييد الرجالة" .... ولا انتا شايف حاجة تانية ؟؟؟ و انتا قاريني بقى ; )

P.S : eb2a bos 3la Jazeerat el kanz ..fe post 3amalto dedicated leek ; )

shabaskandrany يقول...

اكيد كان مفكر ان اليل حيفضل على طول سواد من غير ولا شعاع نور ابيض فى سماه لكن انا مش معاه النور جى والبدر طالع

غير معرف يقول...

أنتوا لسه عايشين زمن الكدب...... ربنا بعت لكم حسن نصر الله ورجال حزب الله علشان تعرفوا حجم مصر العسكرى والسياسى الحقيقى ياشعب البق الكبيررررررررررررررر

مـحـمـد مـفـيـد يقول...

ده مش قصده ده كان عارف ان بعده لم ياتي رجال
لان الرجاله ماتو في الحرب سامع يا عم............................................................................................................................................... ابو جيمي

saso يقول...

لا أبدا دة كان عاوزنا نحط ايدنا في فم الأسد علي رأي العاقل الراسي اللي مفرحنا دايما

أبو أمل يقول...

قصده اللى جايين بعده ملايكة مش بشر والرجالة بشر
على فكرة انا قريت
تقويم لأسنان سارة فى اخبار الدب
من سنتين
وكان منشور لى قصيدة فيها

اخبار الأدب

تحياتى

غير معرف يقول...

طبعا اقصده لما كنا بلد وشعب بيحترم نفسه ولما كان البعيد يعمل لنا حساب قبل القريب,لما كنا بنشترى ارضنا وترابها بدمنا مش بنبعها لعدونا بتراب الفلوس

تغريد

Me2 يقول...

قصده لما كان فيه ضمير
مشكلتنا مشكلة ضمائر .. أخلاق و مبادئ أصبحت غير موجودة

sydalany-وش مكرمش يقول...

أكيد كان قصده خير
:0)

Epitaph يقول...

الراجل ماكنش قصده حاجة وحشة
:(((
مش حاجة وحشة خااااااااالص

أروى الطويل يقول...

مع احترامى الشديد ليك عبد الناصر راجل مش كويس زى ما انت فاكر عبد الناصر سايب لولاده ملايين وطيارات خاصة وقصور عبد الناصر اللى ضرب محمد نجيب على وشه لانه مش رضى يروح مكانه فى مسرحيه المنشيه علشان يقتله ويتهمها فى الاخوان عبد الناصر اللى حبس محمد نجيب وصادر املاكه كلها ابن محمد نجيب سواق وبنته عايشه فى اوضه وصاله وحمام ولو عاوز العنوان اجيبهولك

غير معرف يقول...

يا عم محمد انت ناوي تودينا في داهية
ألف مبروك هذا البلوج الجميل وإن كانت متأخرة فقد عاد لي النت أخيرا
لك تحياتي وشوقي
بهاء الدين رمضان

Mamdouh Dorrah يقول...

اه.. يا محمد
تعرف و أنا صغير لنا سألت أبويا عن عبد الناصر قالي اية؟
قالي عبد الناصر علمنا ازاي بنقي رجالة..و اللي بعديه علمنا ازاي نلبس طرح
اه يا زمن..

لما تيجي اسكندرية تاني ابقي قولي

sahar يقول...

تفتكر في رجالة دلوقت ؟ماكانش يتعز ياروحي
انتهي ده كان زمان وراح

karakib يقول...

اكيد راجل مختل
مختل طبعا
المختلين كتروا اوي و لازم نتكلم فالقضيه دي هنا فالمدونات
انتوك

سامية يقول...

فكرتني بسواق التاكسي اللي كنت راكبه معاه من كام سنة وقرر يحكيلي قصة حياته -كعادة التاكسجية- وفي الآخر قلبت سياسة... وقال لي "عارفة يا مدام.. زمان كانوا يقولولنا عبد الناصر كافر وديكتاتور وحيضيع البلد وكل الكلام ده... لكن انا بالنسبة لي كل اللي انا فاكره عن الفترة دي هو ان الواحد كان حاسس ان عنده كرامة... مايهمنيش بقى عمل ايه ولا ما عملش إيه، أنا مافهمش في السياسة! أنا اللي أفهمه إن الراجل ده على الأقل تتحسب له في حسناته إنه حسسنا اننا عندنا كرامة."

صاحب البوابــة يقول...

عزيزي الغالي محمد أبو زيد


مصرنا تحتاج الى رجال

وأمتنا العربية بأكملها تحتاج الى رجال

عزيزي لا تنسى ان كل الرجال ذكور

لكن ليس بالضرورة ان يكون كل الذكور رجــــــــــــال !!!

تحياتي لك مجدداً واعتذر عن غيابي في الفترة الماضية

صاحب البوابــة يقول...

عزيزي محمد ارجو منك زيارة مدونتي الادبية

http://elkorasa.blogspot.com/

وابداء رأيك بقصصها

فرأيك يهمني

تحياتي

س.أومرزوك يقول...

يسعدني التعرف على مدونتكم، ومرحبا بيك

Lasto-adri *Blue* يقول...

اضم صوتى لصوت ابيتاف
الراجل ماكنش يقصد حاجة وحشة خااااالص
هو بس الصنف شاحح م السوق حبتين

sahar يقول...

i think that nasr allah is better than naer because he kept his promises

أجدع واحد في الشارع يقول...

هو بس كان بيهزر معاك شويه

المهدي يقول...

غريبه أوي قصده ان اللي بيحكومها دلوقتي خولات بسيطه اوي

LAMIA MAHMOUD يقول...

اكيد كان قصده ان مصر اللي بيحكمها حاجة اكبر من الرجالة حاليا
ولا انت اية رايك

Sampateek يقول...

بوست قوي
و المعني وراء الكلمات
هذا الرجل الفقير
من المحظوظين


خالص تحياتي

محمد أبو زيد يقول...

أصدقائي
الرجالة ماتوا في الحرب
أو ماتوا وهمه مستنيين الحرب

المزاجنجي يقول...

حمادة جميل اوي البوست ده لكن واضح ان الراجل ده من زمن بعيد وبيتكلم عن اشياء منقرضة قال يحكموها رجالة قال ؟؟؟ امال اللمؤاخدة يروحوا فين عاوزين تموتوهم زي خالد الصاوي في عمارة يعقوبيان ؟؟؟؟؟

غير معرف يقول...

Wonderful and informative web site. I used information from that site its great. »

غير معرف يقول...

Best regards from NY! farmers insurance mitsubishi bulk email marketing service national lottery Basketball student manager scores