26‏/08‏/2007

عدودة لرثائي


هوّه اللي مات ده كان لي مين
هوّه اللي يدعي وأقول أمين
وعنيه حواليّه ملوك حايمين
يرحل بعيد عني وألقاني
عاوز أعوم واديه مش عايمين

النخل طاطا في وداع لما به عدّيت
عدّدْ على ـ دلّوني عاد ـ ولا ما هوش عدّيد
هجّت بيوت الناحية والملقة إِلَىْ
صرخت علىْ ،
والصمت كان صوته كما الزغاريد

أنا الجنوبي اللي مشى على ادين الجمر
رشّيت غناويّا هوى ولا امتثلت لأمر
غنّيت تلات تيام فِدا وصمت رابع نذر
ماشي على حرف الجبل ما عرفش وين رايح
لكن أكيد وأكيد أكيد ديهيه سكة قبر

مين اللي خوّض في الفساقي
حطّ لي مطرح
مين اللي قام مد اللحود
ونزعني م المسرح
مالي عيون بيها أسير ـ حتّى ـ ولا أبصر
حبل البكا سلبة ومدد
حبل الحياة أقصر
طوب الفساقي ني مش طايب
ونا حلمي كان ليّه وعاش خايب
طوب الفساقي مال علىْ سلّم
مدّيت إيديْ ولقيتني بتألّم
تبكوا علىّ اليوم ما تبكوشي
وطني عيونكم بس راقوشي

نَفَسي تقيل سبحة تفرفط لي جروح
الروح بتجري ونا أروح مطرح ما أروح
أنا لسّه حي ـ ردّوا علي ـ ولا حلاوة روح
قادرشي أغنّي للحياة يمكن عشان ميت
ومنين أجيب صوت لكلامي في ليالي البوح

سامحني يا محمد بقى إن ضعت من يدي
دا ما كنتش أعرف مين قبص مين اللي راح يدّي
ما علهش عاد كان بدّي أبقى شيء مش بدي
أنهيت كلامي أنا لكم ، أم لسّه راح أبدى

سامحني يا محمد كمان إن ضعت في الفتنة
جاي البكا يرمح إلىْ مين عنه يلفتنا
لا بزرعنا نافع ولا ـ معلهش عاد ـ حتى بحلفتنا
إمتى النواح يرحل بعيد ويسيبنا ويفوتنا

سامحيني يا روحي أنا قصديش
شايفة الحدود أهي لسه تعرفنيش
أنا اللي طاير فوق كده
ولاّ أنا من غير ريش
قولي عجوز شايب أنا
أم طفل ما بيحبيش
تعيش لي يا حزني وطن ،
أموت أنا وتعيش

حِلّي الضفاير ضللّي فوقي
سامحيني يا روحي دا هوّة مش شوقي
حِلي الضفاير كوني في عنيه
سامحيني يا روحي معيش ديهّ
سامحيني سامحيني
أنا كنت لك فارس جدع
كان رمحي رمحيني
مين اللي راح يقدر علي
مين اللي يمحيني

الصمت دلدل لي إديه والدمع ليه مالح
صوتي انطفى لما بكيت سبع الجوارح
زام الهوا ف وشي فزع ورماني لامبارح
لما اتعدلت على كانون الجمر زفيتني
وحيد أنا مرمي ، وحسي ماله مش طارح

لمّا بشوفني ونا بموت ما عرفش ليه بضحك
ونا عُدت ليه أضحك وأبكي واستعير نصحك
و أكب عدودة على صدري يطيب جرحك
حسي ما هوش طالع يسمّعني غُناي عدّيد
متعازة يا دمعة فِدا .. خليكي في صرحك

طاطت مراكب للوطن لما بكا لي النيل
واتمدّدت لِعْضَام هوا كما وليف تِنّيل
اتساوِتِ اكتاف الرمال بكا من التنميل
غطيت عيوني بالبراح ، وِعْليت أنا درجة
لما لمسني بالشراع ، وبست بحر النيل

هناك 14 تعليقًا:

soha zaky يقول...

اللــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــه عليك يا أمير شعراء زمانك يا ابو زيد

مـحـمـد مـفـيـد يقول...

سامحني يا محمد
سامحني يا محمد

:)

ويبقي أبو زيد فارس الكلمه الحزينه لهذا الزمان

إبراهيم السيد يقول...

وجعتني أوي يا محمد

حسن ارابيسك يقول...

الحمد لله
أنني كنت على يقين قبل دخولي مدونتك
قبل دخولي محراب له قدسيته
أنني ساقف أمام اسفار لنبي يتنفس شعرا
تراتيله وترانيمه شعرا
أشعرتني أن السماء مازالت كريمة معنا
وها هي ترسل لنا شاعرا
يلتف حوله حوارييه
من الكلمات المجنده لخدمته واتباعه حينما فكر وتأمل وتكلم

محمد مصطفى يقول...

عرفت حرفك الفصيح من فترة ليست بالقصيرة فجعلني في حالة من النشوة و الشبع الشعري و تلك أول مرة أرى حروفك العامية
تحيتي لإبداعك

غير معرف يقول...

الناس الايام دى بتكتب عن العنب و الرومان و الخيار ، وانت يامايستروا نازل حزن مش عارف ليم وممكن اسللك ،،،،،،
هو فية ايةةةةةةةةةةة

غير معرف يقول...

الناس الايام دى بتكتب عن العنب و الرومان و الخيار ، وانت يامايستروا نازل حزن مش عارف ليم وممكن اسللك ،،،،،،
هو فية ايةةةةةةةةةةة

يا مصر اكتب إليكي رسائلي يقول...

يسرني ان اتقدم بخالص التهاني وأطيب التمنيات
لكم والأسرة الكريمة والأصدقاء
بمناسبة حلول شهر رمضان المبارك ،
أعاده الله علينا وعليكم وعلى مصرنا الحبيبة
بالخير واليمن والبركات
تقبل الله وكل عام وانتم بخير

كريم بهي يقول...

ربما الا يكوون كلامى
اجمل او ارقى مما قالوه من سبقونى
لكنه اذ صدق التعبير هو مغسول برعشة على شفتي كادت تنطق
اللـــــــه .. يا جمالك
لكنى خفت ان ازعج كلامك الرثائى هذا
بصوتى الصغير الفقير هذا

تحياتى لحامل الشعر فى قطرات حبره الحزين

كريم بهي

نهى جمال يقول...

مين اللي قام مد اللحود
ونزعني م المسرح
مالي عيون بيها أسير ـ حتّى ـ ولا أبصر
حبل البكا سلبة ومدد
حبل الحياة أقصر
طوب الفساقي ني مش طايب
ونا حلمي كان ليّه وعاش خايب

-------

الصمت دلدل لي إديه والدمع ليه مالح
صوتي انطفى لما بكيت سبع الجوارح
زام الهوا ف وشي فزع ورماني لامبارح
لما اتعدلت على كانون الجمر زفيتني
وحيد أنا مرمي ، وحسي ماله مش طارح

-------

رائع بجد

يمكن متابعة هنا من زمان بصمت

لكن في ديه كان لازم اعلق
يمكن لأني قريتها ببكا

لأني حساها دلوقتي

تحياتي لك بجد

صاحب البوابــة يقول...

كل عام وأنتم بخير

يهل رمضان من بعيد

حاملاً لي أحلى الذكريات دائماً

أصدق العبرات حتماً

أخلص العبادات دوماً

لرمضان عندي مكانة خاصة

ولكم أنتم أيضاً

يا أحبابـــي

فكل عام وأنتم بخير

وأنتم إلى الله أقرب وعلى طاعته أدوم

محمود فهمى يقول...

بعد ماشاف البرواز فاضى
نط جواه
وعلق شرايط سودا

Munchy Ellithy يقول...

جامده جداااااااااااا

غير معرف يقول...

Today, I went to the beachfront with my kids.
I found a sea shell and gave it to my 4 year
old daughter and said "You can hear the ocean if you put this to your ear." She placed the shell to her ear and screamed.
There was a hermit crab inside and it pinched her ear.
She never wants to go back! LoL I know this is totally
off topic but I had to tell someone!

Here is my homepage :: shrub stumps