30‏/09‏/2006

النائمون في السيدة زينب


كنت في مسجد السيدة زينب منذ يومين الساعة الواحدة ظهرا ، وفاجأني هذا المنظرأعلاه للنائمين بطول وعرض المسجد ، في منتصف النهار ، وأينما تلفت وجدت نائما أسفل مروحة من مراوح المسجدالكثيرة ، هذا المشهد لا أعتقد أن الإسلام قال به ، ولا رمضان ذلك الشهر الكريم يتطلبه ،ولم يوص به الرسول في أحاديثه
أيها النائمون نهارا تحت المراوح .. الساهرون ليلا أمام المسلسلات . استيقظوا يرحمكم الله

هناك 14 تعليقًا:

Unknown يقول...

كل سنة وانت طيب
تحياتى

مـحـمـد مـفـيـد يقول...

ياااااااااااااااااااااه
بوست في وقته فعلا وان لم يفعلها محمد من يفعلها وهو امتداد لبوست صافيsaso

تحول الشهر من شهر عباده وتقرب الي الله الي كما انت صورته ليس في المسجد فقط لكن في البيوت والمكاتب والمواصلات
تحيه حاره جدا علي البوست ده

غير معرف يقول...

مبارك
عليك
رمضان
أخي محمد
ربنا يسامح إنت والمذكور أعلاه على الشعب
ههههههه
كل سنة وأنت طيب

nael eltoukhy يقول...

مكنتش حابب انك تكتب دا يا محمد بصراحة
الناس تعبانة ياخويا.. الناس مش بتبلطج.. بيتهيالي انهم تعبانين بجد.. و في الجامع ينام الناس في حضن الله.. هم اقرب لله من اي مكان اخر.. بيهيالي بدل ما نلوم الناس ممكن نفكر ليه بقوا ميحسوش بالامان الا في بيت الله.. حبيبي محمد.. صباح الفل

saso يقول...

الساعة 1 لحقوا يصوموا حبه لكن تسعه الصبح في مكتب وشركة خاصه مش حكومي وبرضه زي السمك صفوف نايمه ومقتوله
ونفس الناس هما هما بيخرجوا بعد التراويح صاحيين ومركزين مسلسلات او موضة القهوه اللي بقت طابع لرمضان

سؤال : مين اخد اللقطة ؟

محمد أبو زيد يقول...

أبو أمل
وانت طيب

محمد مفيد
المشلكة إن الناس بتعتبر نفسها صايمة ومجهدة وتعبانة ، ولما حد ييجي يكلمها كإنه ارتكب جريمة عمره ، فبيناموا عشان مايتخانقوش ، بالذمة ده صيام ؟

أستاذ بهاء
بلاش مبارك والنبي

نائل
يانائل
الناس بالشكل ده هربانة من كل احجة في حياتها ، من الصوم ، من الحياة ، من العمل ، بحجة إنها صايمة ، وما أعتقدش إن الهرب هو الل الوحيد قدام الناس

ساسو
الصور أنا اللي صورتها

عمرو عزت يقول...

أتفق مع نائل

أعتقد أن عددا كبيرا من هؤلاء من المسافرين او عابري الطريق
مما لا تسعفهم اموالهم للبقاء في فندق او دخول مطاعم مكيفة
فاما مقاهي شعبية
او بعض الراحة في المساجد

او ربما كان هناك ايضا من انهوا اعمالهم و ينتظرون الصلاة او من يريدون ان ينعموا بانس و بهجة القرب
من الاولياء
السيدة و الحسين و غيرهما

لا مشكلة لدي في قسط الراحة في المسجد او بجوار ضريح الولي
اذا كنا يقظين فيما عدا ذلك

رمضان كريم يا محمد

محمد أبو زيد يقول...

عمرو عزت
كل سنة وانت طيب اولا
ثانيا : مش عارف ليه يا عمرو حاسس إن التفسير ده اتكالي شويه ، ممكن نقول شعري برضه ، بيخليني أحس بالذنب إني كتبت البوست ده أساسا ، لكن الحقيقة إنالناس دي موجودة بعد صلاة تالظهر ،مستنيينالعصر ن وبعد العصر يناموا مستنيين الفطار ، هو احتماء بمظلة إن الناس صايمة وتعبانة أكتر من النوم بقرب الضريح والدليل عدم تكرار هذا بصورة كبيرة خارج شهر رمضان
تحياتي

abderrahman يقول...

بحييك يا محمد أنك التفت للموضوع ده، وممرش عليك عادي .. المشهد ده طوال العام في الحسين والسيدة والأزهر، وقبل كل صلاة بييجي واحد صول معاه عصاية ويخبط الناس اللي نايمة دي ويسمعهم كلمتين، وهما أغلبهم مش من القاهرة .. أو عمال ، أو ناس هربانة من البيت أو الشغل .

ADMIN يقول...

كل سنة وانته طيب

محمد أبو زيد يقول...

عبده باشا
الناس بتهرب ، لكن ما بتدورش على طريقة للحل ، او حتى ما بتدورش على نفسها


شاب اسكندراني
وإنت بألف خير

soha يقول...

علي فكرة المشهد ده طول السنة في السيدة و الحسين و الازهر الناس دي بترتاح او مش لاقيالها مكان بتنام في الطراوة و منها نومة و صلاة و ربنا يكرمهم وحد يعطف عليهم ب فطار و لا حاجة

إبراهيم السيد يقول...

khally balak elqahawy aghlabha 2afel fi ramadan,tayeb elghalaba dool yeroo7om feen ? malhomsh gheer beet allah , we kaman zay ma 2alet soha, yemkin 7ad ye3tef 3aleehom be ay 7aga ....

غير معرف يقول...

دعاء واحد مصري مطحوون


اللهم أنقذنا من نفسنه الزملاء.. وغباء الأصدقاء

ومفاجأة الأعداء

اللهم ارحمنا من استبياع الجيل الجديد.. وحرائق السكة الحديد
واستقصاد كل مدير.. ونداله القرايب الصغير منهم والكبير

اللهم أغثنا من كل عميل.. ومن فواتير موبينيل
اللهم أرحمنا من تشريفه عربيات المسئولين، وزحمة الشوارع في كل حين
وسحب الرخص في كل كمين.. من الغلبان مش م المتين

اللهم اهدى لنا سواقين الميكروباص
ومدير الشركة البصباص
اللهم ارحمنا من الشئون القانونية وشئون العاملين
واللي بيقفوا فـ وسط الشارع فجأة وبدون إشارة يمين

اللهم قنا شر الكليبات..
وشر شلل البنات.. ولؤم الستات وغباوة الحموات
والمينيمم تشارج كافيهات..
وهيافة الصحف والمجلات
وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألافات
ووقوع السيرفر وقفلة السايتات

اللهم ارفع مستوى الفريق القومي..
لمستوى أنبى والحدود.. أو حتى مستوى أسمنت أسيوط
أو أرسل يارب عليه صاعقة.. بدل ما يخلونا نموت..

اللهم سدد أقساطنا.. وضلل عنا مآمير الضرايب
اللهم ارزق جيل الوسط عقود عمل في ليبيا وقطر
اللهم افتح لجيلنا القديم الطريق الفسيح
حتى ننظف انتخابات البلد من لعبة المراجيح
اللهم ارحمنا من الاكتئاب مرض العصر والشباب
واحمي يارب سماء مصر من سحابة الهباب
واكفنا شر صاحب الدقن الكداب
وصاحب التصريحات النصاب

اللهم ارزق كل بنت بعريس هدية..
وكل شاب بوظيفة وشقة وعربية
اللهم أحرق الـ0900
واضرب الحرامية بالحرامية
ونجح أي طالب في أي كلية
حتى ولو كان في التربية الموسيقية

آآآميين يارب